Ora 18.00 – OSHEE, situata e furnizimit me energji

Si pasojë e motit të keq me temperatura të ulëta dhe reshje bore e ngrica në zonat malore, në rrjetin elektrik të shpërndarjes janë shfaqur probleme në linjat e tensionit të mesëm dhe të ulët. Rreth 1800 punonjës të OSHEE janë angazhuar në terren për riparimin e avarive.

Aktualisht, rajonet më të prekura nga defektet vazhdojnë të jenë ai i Kukësit, i Burrelit dhe Tiranës për shkak të motit të keq me reshje dëbore dhe erëra të forta. Nga grupet e terrenit të OSHEE-së po punohet për riparimin e defekteve në kohë sa më të shpejtë në të gjithë vendin.

Zonat që janë pa energji aktualisht:

Rajoni Tiranë: Qesarake si dhe pjesërisht Zall Bastar, Tufine, si dhe pjesërisht Komuna e Parisit që furnizohen nga fideri 330N/St Selite në të cilin është konstatuar me defekt kablli në segmentin e linjës nga kabina Tripodi- deri te kabina Agikons.

Rajoni Kukës: Pjesërisht Zaje, Domaj, Mal zi, Lekbibaj

Rajoni Burrel: Gjykata, prokurori lagje nr. 4 Lac ,Prefektura, Skuraj, Sllove

Zona ku është rikthyer energjia:

Rajoni Tiranë: Kabina Islam Alla  dhe Kabina Saego në Kombinat u vendosën në punë.

Rajoni Durrës: Borizanë

Rajoni Kukës: Helshan, Mamez, Tropojë

Nga grupet e terrenit të OSHEE-se po punohet për riparimin e defekteve në kohë sa më të shpejtë në të gjithë vendin.

Të gjitha linjat e TL dhe N/Stacionet janë në skemë normale furnizimi me energji elektrike.

Të gjithë fiderat që furnizojnë me energji elektrike hidrovorët janë në punë.

Të gjithë fiderat që furnizojnë spitalet dhe institucionet e rëndësisë së veçantë janë në punë.